टिटवी ते नांद्रा रोडवर मोटरसायकलचा भीषण अपघात एक जण ठार

टिटवी ते नांद्रा रोडवर मोटरसायकलचा भीषण अपघात एक जण ठार

लोणार - प्रणव वराडे

लोणार तालुक्यातील टिटवी ते नांद्रा रोडवर मोटरसायकलचा भीषण अपघात घेऊन एक जण ठार तर एक जण गंभीर जखमी झाल्याची घटना आज 27 जानेवारी रोजी घडली आहे.सावरगाव मुंढे येथील अनिरुद्ध रामकिसन मुंढे यांनी लोणार पोलीस स्टेशनला फिर्याद दिली की टिटवी ते नांद्रा रोडवरील नांद्रा शिवारात अरुण भगवान कुटे राहणार देऊळगाव वायसा यांनी त्यांच्या ताब्यातील मोटरसायकल क्रमांक एम एच 19 बी एस 6489 भरधाव वेगाने निष्काळजीपणे चालवून पाठीमागून जोरदार धडक दिल्याने राजू ज्ञानबा मुंढे यांच्या मोटरसायकलला धडक बसल्याने राजु ज्ञानोबा मुंढे गंभीर जखमी झाले तर मोटरसायकलवर पाठीमागून बसलेले एकनाथ ज्ञानोबा मुंढे हे जखमी होऊन मृत झाले अनिरुद्ध रामकिसन मुंढे यांच्या फिर्यादीवरून अरुण भगवान कुटे यांच्याविरुद्ध लोणार पोलीस स्टेशनला अप क्रमांक 24/ 2022 कलम 279 ,337 ,338 ,304अ, 427 भाधवी नुसार गुन्हा दाखल केला असून पुढील तपास ठाणेदार प्रदिप ठाकूर यांच्या मार्गदर्शनाखाली सहाय्यक फौजदार बन्शी पवार करीत असल्याची माहिती देण्यात आली आहे.