लोणार सरोवर पर्यटन विकासासाठी १६ कोटींचा निधी मंजूर

 लोणार सरोवर पर्यटन विकासासाठी १६ कोटींचा निधी मंजूर 

लोणार :- (प्रणव वराडे) 

मेहकर लोणार विधानसभा मतदारसंघाचे आ . डॉ . संजय रायमुलकर यांनी शासन व प्रशासनाकडे वेळोवेळी पाठपुरावा केला होता . त्यांच्या पाठपुराव्याला यश आले असून पर्यटन विभागातंर्गत असलेल्या या मोठ्या पर्यटन विकास आराखड्यातील कामांसाठी सन २०२१-२२ आर्थिक वर्षात निधी उपलब्ध करून देण्यास शासन स्तरावरुन मान्यता देण्यात आल्याने लोणार सरोवरासाठी १६ कोटी मंजूर करण्यात आले आहे लोणारचे सरोवर खाऱ्या पाण्याचे जगप्रसिध्द सरोवर असून याची निर्मिती उल्कापातामुळे झाली . लोणार सरोवराच्या जतनासाठी व संवर्धनासाठी लोणार विवर हे वन्यजीव अभयारण्य म्हणून घोषीत करण्यात आले . लोणार सरोवर पाहण्यासाठी जगभरातून पर्यटक येत असतात . जिल्हा नियोजन विभाग बुलडाणा यांनी ९ ऑगस्ट २०२१ रोजी प्रस्ताव सादर केले होते . त्या अनुषंगाने लोणार सरोवर पर्यटन विकास आराखड्यांतील कामास मान्यता देण्यात आली असून लोणार सरोवर विकासाठी १६ कोटी रुपयांचा निधीस शासन स्तरावरून विकास आराखड्यातील कामांसाठी जिल्हाधिकारी यांना पर्यटन संचालनाय यांनी निधी वितरीत करण्यास मान्यता देण्यात आली आहे . सदर निधी ३१ मार्च २०२२ पर्यंत खर्च करून कामे मार्गी लावावा लागणार आहे .