पिंपळनेर येथील हरविलेला मुलगा अखेर २१ तासांनी सापडला - नातेवाईकांची अपहरणाची शंका

पिंपळनेर येथील हरविलेला मुलगा अखेर २१ तासांनी सापडला - नातेवाईकांची अपहरणाची शंका  

   

लोणार दि २१/०९/२०२० (सतीश मुलंगे)

तालुक्यातील पिंपळनेर येथील ३ वर्षीय मुलगा दिनांक २० सप्टें  २०२० रोजी सकाळी ९ वाजेदरम्यान त्याच्या राहत्या घरासमोरून हरविला होता तो दि २१  सप्टें  २०२० रोजी तब्ब्ल २१ तासांनी पिंपळनेर येथील ज्ञानेश्वर  सानप यांच्या शेतात यांचा मुलगा श्रीकांत सानप याला आढळून आला या बाबत ची माहिती सदर मुलाच्या नातेवाईकाना व लोणार पोलिसांना दिली 

 या बाबत सविस्तर वृत्त असे कि पिंपळनेर येथील फकिरा दराडे यांचा ३ वर्षाचा मुलगा कार्तिक घरा समोरील अंगणात खेळात असताना अचानक गायब झाला होता त्याचा नातेवाईकानी  सर्वत्र शोध घेतला होता तरी तो दिवस भर मिळून आला नव्हता या बाबत ची माहिती लोणार पोलीस स्टेशन ला कळविली होती लोणार पोलीस स्टेशन चे वरिष्ठ पोलीस निरीक्षक रवींद्र देशमुख यांनी आपले सहकारी पोलीस उपनिरीक्षक अजहर शेख,लेखनिक चंद्रशेखर मुरडकर,बिट जमदार बन्सी पवार,पो.कॉ. प्रदीप सौभागे,विशाल धोंडगे,जगदीश सानप,भागवत खाडे,कृष्णां  निकम,गोपनीय विभागाचे कैलास चत्तरकार,विठ्ठल चव्हाण,महिला पोलीस सीमा उन्हाळे,अनुसया नांदे यांनी तात्काळ घटना स्थळी धाव घेत शोध मोहीम सुरु केली तसेच या मुला  बाबत  माहिती सर्व समाज माध्यमावर दिली मात्र दि २१ सप्टें  २०२०  रोजी सादर बालक आढळून आल्याने त्याला ग्रामीण रुग्णालय लोणार येथे दाखल केले असता वैद्यकीय अधिकार्यानी पुढील उपचारा करीत मेहकर इथे रवाना केले असून सादर बालकाची प्रकृती चांगली आहे मात्र सदर बालकाचे  हे अपहरण करण्यात आले असून भीतीपोटी  अपहरण कर्त्याने त्या बालकास परत शेतात आणून सोडले अशी पिंपळनेर ग्रामस्थ दबक्या आवाजात चर्चा करत असून हा बालक खरंच हरविला होता कि अज्ञात आरोपीने अपहरण केले याचा शोध घेणाचे आव्हान लोणार पोलिसांसमोर उभे ठाकले आहे