लोणार तालुक्यातील सरस्वती येथे ३८ वर्षीय युवकाचा मृतदेह

 

लोणार तालुक्यातील सरस्वती येथे ३८ वर्षीय युवकाचा मृतदेह

लोणार : (प्रणव वराडे)

लोणार तालुक्यातील सरस्वती येथे ३८ वर्षीय युवकाचा मृतदेह आढळल्याची घटना दिनांक ४ मार्च २०२२ रोजी घटना उघडीस आली आहे. याबाबत सविस्तर वृत्त असे की सरस्वती येथील युवक कैलास अश्रू इंगोले वय ३८ वर्षे याचा मृतदेह गावालगतच मातमळ रस्त्या जवळ सकाळी सात वाजता आढळून आल्याची माहिती लोणार पोलिस स्टेशनचे लेखनीक चंद्रशेखर मुरडकर यांना मिळाली त्यांनी ही बाब तत्काळ प्रभारी पोलीस निरीक्षक निर्मला परदेशी यांना सांगितली घटनेची गांभीर्य ओळखत प्रभारी पोलिस निरीक्षक निर्मला परदेशी यांना पोलिस उपनिरीक्षक सुरज काळे लेखनिक चंद्रशेखर मुरडकर नितीन खर्डे पो का विशाल धोंडगे पोका गजानन सानप गोपनीय विभागाचे संतोष चव्हाण यांनी घटनास्थळी जाऊन सूक्ष्म पाहणी करत पंचनामा केला व मृतदेह शवविच्छेदन साठी ग्रामीण रुग्णालयात लोणार येथे पाठवला फिर्यादी साहेबराव इंगोले यांच्या फिर्यादीवरून लोणार पो लीस स्टेशनला मर्ग दाखल केला आहे सदर मृतदेहाच्या डोक्यावर गंभीर मार असल्याने सदर मृतक युवकाचा घातपात झाल्याची चर्चा दबक्या आवाजात ग्रामस्थ करीत आहे या घटना स्थळाला उपविभागीय पो लीस अधिकारी विलास यामावर यांनी भेट दिली असून पुढील तपास पोलीस उपनिरीक्षक सुरज काळे करीत आहे.